Պատերազմը օձագալար սողում է դեպի Ղարաբաղ, Հայաստան` ոտնատակ տալով խորհրդային առասպելները, պատրանքները, երազանքները. Հասկացավ հայ մայրը` իր որդին զինվոր է… Հասկացավ հայ կինը, որ ամուսինը զորավոր է, հասկացավ հարսնացուն` նշանածը պարտավոր է, հասկացավ մինչ անգամ փոքրիկն ու գոչեց.-Չվախենաս, Ղարաբաղ, Տիգրանիկն էլ զինվոր է: Ու օրհնանքը դուրս ելավ սեղմված ատամների արանքից, թառեց շուրթերին ու արձագանքեց հայոց լեռներում…հպարտ լեռներում…
Ի ուրախություն մեզ բոլորիս` տեղեկացնում ենք, որ այս բաժնում ցանկացած երիտասարդական միավորում կարող է ունենալ իրեն հատկացված մասը` առանց սահմանափակման և խտրականության:
Միակ նախապայմանը հետևյալն է, որ բաժնում տեղադրվեն նյութեր միայն հայանպաստ բովանդակությամբ, ազգային գաղափարախոսությանը վերաբերող և ռազմա-հայրենասիրությունը խթանող:
Ցանկանում ենք բոլորիդ արևշատություն և Ձեր ծրագրային ու նպատակային նախագծերի իրականացում:
